የኢትዮጵያ ኦሊምፒክ ኮሚቴ ሥራ አስፈጻሚ ቦርድ ሁለተኛውን የሥራ ጉብኘት ከአማራ ብሔራዊ ክልላዊ መንግስት ጋር አካሄደ

የኢትዮጵያ ኦሊምፒክ ኮሚቴ ሥራ አስፈጻሚ ቦርድ በሁለተኛው የስራ ጉብኝቱ በአማራ ብሔራዊ ክልላዊ መንግስት ግንቦት 10 ቀን 2009 ዓ.ም በመገኘት ከክልሉ መንግስት ጋር በስፖርት ልማት ዙሪያ መከረ፡፡

የኮሚቴው ሥራ አስፈጻሚ ቦርድ ግንቦት 9 ቀን 2009 ዓ.ም የክልሉ መዲና በሆነቸው ባህር ዳር ሲገባ በክልሉ አመራሮች ደማቅ አቀባበል ተደርጎለታል፡፡

የሥራ አስፈጻሚ ቦርዱ የባህር ዳር አለም አቀፍ ሁለገብ ስታዲየም እና በባህር ዳር ዩኒቭርስቲ የስፖርት አካዳሚን የስፖርት መሰረተ ልማቶች ጎብኝቷል፡፡

  የኮሚቴው የስራ አስፈፃሚ ቦርድ አባላት የባህር ዳር ሁለገብ ስቴድየም እና የባህርዳር  ዩኒቨርስቲ ስፖርት አካዳሚ ከጎበኙ በኋላ የኢትዮጵያ ኦሊምፒክ ኮሚቴ ፕሬዘዳንት ዶክተር አሸብር ወልደጊዮርጊስ ጉብኝቱ ክልሉ በስፖርቱ ዘርፍ ያለበትን ደረጃ ለማወቅ እንዳስቻላቸው ገልፀዋል።


በአማራ ብሔራዊ ክልላዊ መንግሰት ለስፖረት ባለሙያዎች እና አመራሮች ሲሰጥ የነበረው የስፖርት አስተዳደር ኮርስ ተጠናቀቀ
በኢትዮጵያ ኦሊምፒክ ኮሚቴ እና በኦሊምፒክ ሶሊዳሪቲ ትብብር ከግንቦት 5-9 ቀን 2009 ዓ.ም ድረስ ለአማራ ክልል የስፖርት አመራሮችና ሰልጣኞች ሲሰጥ የነበረው የስፖርት አስተዳደር ስልጠና በስኬት ተጠናቀቀ፡፡


በስልጠናው ላይ 25 ወንዶች እና 10 ሴት ሠልጣኞች በድምሩ 35 ሠልጣኞች ተሳታፊዎች ነበሩ፡፡
ግንቦት 9 ቀን 2009 ዓ.ም በተካሄደው የስልጠናው የመዝጊያ ስነ-ሥርዓት ላይ የኢትዮጵያ ኦሊምፒክ ኮሚቴ ፕሬዚዳንት ዶ/ር አሸብር ወልደጊዮርጊስ ባስተላለፉት መልዕክት
“የወሰዳችሁት የስፖርት አስተዳደር ስልጠና በራሱ የመጨረሻ ግብ አይደለም፡፡”
“ያገኛችሁትን እውቀት፣ ልምድ እና ክህሎት በየደረጃው ለሚመለከታቸው የስፖርቱ ተዋንያን ማካፈል እና ማባዛት ትልቁ የቤት ስራችሁ ነው፡፡” ብለዋል፡፡
ሠልጣኞቹ ሥልጠናቸውን በስኬት በማጠናቀቃቸው ሠርተፍኬት ተሠጥቷቸዋል፡፡
በስልጠናው የመዝጊያ ስነ-ስርዓት ላይ የአማራ ብሔራዊ ክልላዊ መንግስት የወጣቶች ስፖርት ጉዳይ ቢሮ ኃላፊ ወ/ሮ ወለላ መብራት  እና የኢትዮጵያ ኦሊምፒክ ኮሚቴ ሥራ አስፈጻሚ ቦርድ አባላት ታዳሚዎች ነበሩ፡፡




የኢትዮጵያ ኦሊምፒክ ኮሚቴ ሥራ አስፈጻሚ ኮሚቴ የሀገር አቀፍ የስፖርት ማህበራትን ጽ/ቤት በአካል በመገኘት ጎበኘ
የኢትዮጵያ ኦሊምፒክ ኮሚቴ ሀገራችን በምትወዳደርባቸው ውድድሮች ውጤታማ እንድትሆን “የአሸናፊነት ስልት” ለመንደፍ ከሁሉም ፌዴሬሽኖች ጋር መከረ

የኢትዮጵያ ኦሊምፒክ ኮሚቴ ከሀገር አቀፍ የስፖርት ማህበራት ጋር ያለውን የስራ ግንኙነት ወደ ላቀ ደረጃ ለማሸጋገር እና ለጋራ ውጤታማነት የአሸናፊነት ስልት ለመንደፍ የኮሚቴው ሥራ አስፈጻሚ ቦርድ ከሀገር አቀፍ የስፖርት ማህበራት አመራሮችና ባለሙያዎች ጋር በተለያዩ አገር፣ አህጉር እና አለም አቀፍ ውድድሮች ዝግጅት እና ተሳትፎ ዙሪያ ግንቦት 7 ቀን 2009 ዓ.ም በኢንተርኮንትኔታል አዲስ ሆቴል ምክክር አደረገ፡፡

የኢትዮጵያ ኦሊምፒክ ኮሚቴ የስፖርት አስተዳዳር ሥልጠና በባህር ዳር እየሠጠ ነው

የኢትዮጵያ ኦሊምፒክ ኮሚቴ ከአለም አቀፍ የኦሊምፒክ ኮሚቴ ጋር በመተባበር ባዘጋጀው ከግንቦት 5 እስከ 9 ቀን 2009 ዓ.ም. በሚቆየው ስልጠና ከአማራ ብሔራዊ ክልላዊ መንግስት የወጣቶችና ስፖርት ቢሮ ከክልሉ ፌዴሬሽኖች የተውጣጡ 30 የስፖርት ባለሙያዎችና አመራሮች እየተሳተፉ እንደሆነ ታውቋል፡፡

ከሠልጣኞች መካከል አስራ ሁለቱ ሴት ስልጣኞች ናቸው፡፡

የኢትዮጵያ ኦሊምፒክ ኮሚቴ የአገሪቱን ስፖርት ከማስፋፋት እና ከማሳደግ አኳያ ከሚሰራቸው በርካታ ስራዎች መካካል ለዘርፉ ባለሙያዎች ስልጠናዎችን መስጠት አንዱ ነው፡፡ 

በባህር ዳር ከተማ ስልጠናቸውን በመከታታል ላይ የሚገኙት ባለሙያዎችና አመራሮች ስልጠናቸውን ካጠናቀቁ በኋላ ያገኙትን ዕውቀት እና ክህሎት በየደረጃው ላሉ አካላት በማድረስ ለሀገሪቷ የስፖርት ዕድገት የበኩላቸውን እንዲወጡ ይጠበቃል፡፡ 

 

የሪዮ 5000ሜ የሴቶችን ዘርፍን ማን ያሸንፋል?

View Result