ፓላኔንፎ የአፍሪካ ብሔራዊ ኦሊምፒክ ኮሚቴዎች ማህበር (አኖካ) ፕሬዚደንት ሆነው ተቋሙን እንዲመሩ ይሁንታ አገኙ

የ76 ዓመቱ ፓሌንፎ ለአራተኛ ጊዜ የአኖካ ፕሬዚዳንት ሆነው ተቋሙን እንዲመሩ በይሁንታ ያለምርጫ ግንቦት 2 ቀን 2009 ዓ.ም. በጅቡቲ በአኖካ መደበኛ ጠቅላላ ጉባኤ ላይ ተመርጠዋል፡፡

አይቮሪኮስታዊው ፓሊንፎ የፕሬዚዳንታዊ ምርጫው ውድድር ተፎካካሪ የነበሩት ካሜሮናዊው ሀማድ ካልካባ ‘ለምርጫው በቁ አይደሉም’ ተብለው ከምርጫው ከታገዱ በኋላ ፓሌንፎ ብቸኛው እጩ ነበሩ፡፡

እጩው የአኖካ ፕሬዚዳንት ካሜሮናዊው ሀማድ ካልካባ ጅቡቲ በሚካሄደው የአፍሪካ ብሔራዊ ኦሊምፒክ ኮሚቴዎች ማህበር (የአኖካ) 17ኛ መደበኛ ጠቅላላ ጉባኤ ላይ እንዳይታደሙ ታገዱ

የአኖካን መንበረ ስልጣንን እ.ኤ.አ ከ2005 ጀምሮ የተቆናጠጡት አይቮሪኮስታዊው ፓሊንፎ ብቸኛው እጩ የአኖካ ፕሬዚዳንት ሆኑ

ዕጩው ካላካባ ከፕሬዚዳንትነት ዕጩነታቸው አሁን ስራ ላይ ባለው የአኖካ ኤግዚኪዩቲቭ ኮሚቴ ውሳኔ ታግደዋል፡፡

የአኖካ ኤግዚኪዩቲቭ ኮሚቴ ሚያዚያ 29 ቀን 2009 ዓ.ም. ባደረገው ስብሰባ ነው ውሳኔውን ያስተላለፈው፡፡

ካልካባ ማብራሪያ እንዲሰጡበት እና የተከሰሱበት ጭብጥ የካሜሮን መንግስት ህጋዊ ባልሆነ አግባብ ለምርጫቸው ዘመቻ ጣልቃ በማይገባበት የአፍሪካ ኦሊምፒክ እንቅስቃሴ ውስጥ  ጣልቃ እንዲገባ እና ለካልካባ የአኖካ ፕሬዚዳንታዊ ምርጫ ዘመቻ እንዲሰራላቸው በተጨባጭ ተጠቅመዋል የሚል ነው፡፡

 

አይቮሪኮስታዊው ፓሌንፎ እና ካሜሮናዊው ካልካባ የአፍሪካ ብሔራዊ ኦሊምፒክ ኮሚቴዎች ማህበር (አኖካ) ፕሬዚዳንት ለመሆን ተፋጠዋል

የ76 ዓመቱ አይቮሪኮስታዊው ፓሌንፎ የአፍሪካ ብሔራዊ ኦሊምፒክ ኮሚቴዎች ማህበር የወቅቱ ፕሬዚዳንት ከ 66 ዓመቱ ካሜሮናዊው ሀማድ ካልካባ ብርቱ ፉክክር እንደሚጠብቃቸው ተነግሯል፡፡ 

17ኛው የአፍሪካ ብሔራዊ ኦሊምፒክ ከሚቴዎች ማህበር (አኖካ) መደበኛ ጠቅላላ ጉባኤ በጅቡቲ ከግንቦት 1 እስከ 3 ቀን 2009 ዓ.ም ይካሄዳል፡፡

የፕሬዚዳንትነት እና የሥራ አስፈጻሚ ቦርድ ምርጫን ዋንኛ አጀንዳው ባደረገው የአፍሪካ ብሔራዊ ኦሊምፒክ ኮሚቴዎች ማህበር ጠቅላላ መደበኛ ጉባኤ ላይ የኢትዮጵያ ኦሊምፒክ ኮሚቴ ፕሬዚዳንት ዶ/ር አሸብር ወልደጊዮርጊስ ይታደማሉ፡፡

የአፍሪካ 54ቱም ሀገሮች ብሔራዊ ኦሊምፒክ ኮሚቴዎች ለፕሬዚዳንትነት ከቀረቡት ሁለት እጩዎች መካከል ለአፍሪካ ኦሊምፒክ እንቅስቃሴ እና ለአህጉሪቷ የስፖርት ዕድገት በጽናት በመቆም ይሰራልናል የሚሉትን መሪያቸውን ይመርጣሉ፡፡

  • 30 April 2017

የቮሊቦል የሁለተኛ ደረጃ የአሠልጣኞች ሥልጠና ተጠናቀቀ

ከሀገሪቱ ዘጠኝ ክልሎች እና ሁለቱ የከተማ አስተዳደሮች የተውጣጡ 30 የቮሊቦል አሠልጣኞች ለአምስት ቀናት የተሰጣቸውን የቮሊቦል ሁለተኛ ደረጃ የአሠልጣኞች ስልጠና ተከታትለው አጠናቀቁ፡፡

ሥልጠናው የኢትዮጵያ ኦሊምፒክ ኮሚቴ፣ ከኢንተርናሽናል ቮሊቦል ፌደሬሽን እና ከኦሊምፒክ ሶሊዳሪቲ ጋር በጋራ ተዘጋጅቶ የተሰጠ ነው፡፡

 

 

በሥልጠናው የመዝጊያሥነ-ስርዓት ላይ በአለም አቀፉ የኦሊምፒክ ኮሚቴ ፕሬዚዳንት ቶማስ ባህ የተፈረመ ሠርተፍኬት ለሠልጣኞቹ በኢትዮጵያ ኦሊምፒክ ኮሚቴ ዋና ፀሐፊ በአቶ ታምራት በቀለ ተሰጥቷቸዋል፡፡

 

የሪዮ 5000ሜ የሴቶችን ዘርፍን ማን ያሸንፋል?

View Result