Super User

Super User

የኢትዮጵያ ኦሊምፒክ ኮሚቴ ሥራ አስፈጻሚ ቦርድ የአምቦ የእግር ኳስ ማሠልጠኛ ማዕከል ጎል ፊፋን እና የሱሉልታ ኦሮሚያ ስፖርት አካዳሚን ጎበኘ

በኢትዮጵያ ኦሊምፒክ ኮሚቴ ፕሬዚዳንት ዶ/ር አሸብር ወልደጊዮርጊስ የሚመራው ስራ አስፈጻሚ ቦርድ ሠባተኛ የሆነውን የስራ ጉብኝቱን በኦሮሚያ ብሔራዊ ክልላዊ መንግስት እያደረገ ይገኛል፡፡

ቦርዱ በመጀመሪያ ቀን (ሠኔ 12 ቀን 2009 ዓ.ም) የስራ ጉብኝቱ አምቦ የሚገኘውን በ2005 ዓ.ም ስራ የጀመረውን የአምቦ የእግር ኳስ ማሠልጠኛ ማዕከል ጎል ፊፋን ጓብኝቷል፡፡

ማዕከሉ በ2008 ዓ.ም. በመጀመሪያ ዙር ከ17 ዓመት በታች 27 ወንዶች እና 22 ሴቶችን በድምሩ 49 ሠልጣኞችን አስመርቋል፡፡ ለመጀመሪያ ጊዜ የተመረቁት ሠልጣኞች በተለያዩ ክለቦች እንደገቡ ታውቋል፡፡

ማዕከሉ በአሁኑ ወቅት የወቅቱን ዘመናዊ የስፖርት ሳይንስ ማዕከል አድርጎ በተቀረጸ ካሪኩለም ከ15 እና ከ17 ዓመት በታች 30 ወንዶች እና 24 ሴቶች በድምሩ 54 ልጆችን ተቀብሎ እያሰለጠ መሆኑን የማዕከሉ ዳይሬክተር አቶ ሙሊሳ ለሜሳ ተናግረዋል፡፡ 

የሥራ አስፈጻሚ ቦርዱ በማዕከሉ በመሰልጠን ላይ ያሉ ልጆችን ባነጋገረበት ወቅት የኢትዮጵያ ኦሊምፒክ ኮሚቴ ፕሬዚዳንት ዶ/ር አሸብር ወልደጊዮርጊስ

“እንደዚህ አይነት ማዕከል እና እናተን ተስፋ ያላችሁን ታዳጊ ወጣቶች ማየቴ በጣም አስደስቷኛል፡፡”

“ጠንክራችሁ ከሠራችሁ በቶክዮ 2020 ኦሊምፒክ ጨዋታዎች ለሀገራችን ብሔራዊ ቡድን የመጫወት እድሉ አላችሁ፡፡”

“የኢትዮጵያ ኦሊምፒክ ኮሚቴ ይህ እውን እንዲሆን አቅም በፈቀደ አግባብ ሁለገብ ድጋፉን ያደርግላችኋል…ከጎናችሁ ነን፡፡” ብለዋል፡፡

“በርካታ አልማዝ አያናዎችን ለመፍጠር የቤንሻንጉል ጉሙዝ ክልል እምቅ አቅሙም እድሉም ያለው ክልል ነው ፡፡”አቶ አሸደሊ ሀሰን የቤንሻንጉል ጉሙዝ ብሔራዊ ክልላዊ መንግሰት ፕሬዚዳንት

የኢትዮጵያ ኦሊምፒክ ኮሚቴ ሥራ አስፈጻሚ ቦርድ በስድስተኛ ዙር የስራ ጉብኝቱ ከቤንሻንጉል ጉሙዝ ብሔራዊ ክልላዊ መንግሰት ጋር ሰኔ 5 ቀን 2009 ዓ.ም በመገናኘት ስለ ስፖርት ልማት መከረ፡፡
የኮሚቴው ሥራ አስፈጻሚ ቦርድ የስራ ጉብኝቱን የኦሶሳን ሁለገብ ስታዲየም በመጎብኘት የጀመረ ሲሆን ቀድሞ ሲል የስራ ጉብኝት ካደረገባቸው ክልሎች ያገኛቸውን ተሞክሮ አጋርቷል፡፡
በመቀጠል የቦርዱ አባላት በክልሉ ርዕሠ መስተዳድር ጽ/ቤት በመገኘት ከክልሉ ፕሬዚዳንት አቶ አሸዲን ሀሰን እና ከካቤኒ አባላት ጋር የክልሉን ስፖርት ከማልማት አኳያ ምን እየሰራ እንደሆነ እና ወደፊትስ ክልሉ ምን ራዕይ እንደሰነቀ ለመረዳት ውይይት ተደርጎል፡፡
የኢትዮጵያ ኦሊምፒክ ኮሚቴ ስራ አስፈጻሚ ቦርድ አባል አቶ ተስፋዬ በቀለ የስራ ጉብኝቱን አላማ አስመልክተው ሲገልጹ
“ሀገራችን በምትወዳደርባቸው አህጉር እና አለም አቀፍ ውድድሮች ውጤታማነታችን እንዲረጋገጥ ስራችንን ከወዲሁ በበቂ ዝግጅት መጀመር ስላለብን የስራ ጉብኝቱ አስፈላጊ ሆኗል፡፡”

ሰኔ 2 ቀን 2009 ዓ.ም

ፕሬስ ሪሊዝ

እንደ ደረሠ ጥቅም ላይ የሚውል

የኢትዮጵያ ኦሊምፒክ ኮሚቴ ሥራ አስፈጻሚ ኮሚቴ አምስተኛ የሥራ ገብኝቱን በጣምራ በሐረሪ ህዝብ ብሔራዊ ክልላዊ መንግስት፣ በድሬዳዋ ከተማ አስተዳድር እና በኢትዮጵያ ሶማሌ ብሔራዊ ክልላዊ መንግሰት ያደርጋል

በኢትዮጵያ ኦሊምፒክ ኮሚቴ ፕሬዚዳንት ዶ/ር አሸብር ወልደጊዮርጊስ የሚመራው የኢትዮጵያ ኦሊምፒክ ኮሚቴ ሥራ አስፈጻሚ ከሰኔ 2-4 ቀን 2009 ዓ.ም በሚቆይ የስራ ጉብኝቱ ከሐረሪ ህዝብ ብሔራዊ ክልላዊ መንግስት፣ ከኢትዮጵያ ሶማሌ ብሔራዊ ክልላዊ መንግሰት እና ከድሬዳዋ ከተማ አስተዳድር ከፍተኛ አመራሮች ጋር በአገራችን ስፖርት ዕድገት ላይ ምክክር ያደርጋል፡፡

የስራ አስፈጻሚ ኮሚቴው የስፖርት መሰረተ ልማቶች ጉብኝቱን በሐረር ከተማ በመጀመር፣ በመቀጠል ድሬዳዋ ያደርግና በመጨረሻም በጅግጅጋ ያከናውናል፡፡

ከስፖርት መሰረተ ልማቶች በመጠቀል ከክልሎቹ እና ከከተማው አመራሮች ጋር በተለያዩ ስፖርታዊ ዝግጅት፣ ዕቅድ እና ተሳትፎ ላይ ምክክር ይደረጋል፡፡

ምክክር የሚደረግባቸው ዕቅዶች/ጉዳዮች፡-

• 6ኛው መላ ኢትዮጵያ ጨዋታዎች ዝግጅት እና ተሳትፎ
• የመላ ኢትዮጵያ ጨዋታዎች ችቦ ቅብብሎሽ ባለፈው ዓመት 5ኛውን የመላ ኢትዮጵያ ጨዋታ ካዘጋጀው ከደቡብ ብሔራዊ ክልላዊ መንግስት ሃዋሳ ከተማ ጀምሮ በሌሎች የሀገራችን ክልል ከተሞች ችቦውን ይዞ ከማቋረጥ በላይ የኦሊምፒክ ችቦው በሚያልፍባቸው ከተሞች ሁሉ ልዩ ልዩ ስፖርታዊ ውድድሮች በማካሄድ የአካባቢው ወጣቶች በውድድሮች እንዲሳተፉ እና ክልላቸውን እንዲወክሉ ብሎም በአገር አቀፍ ደረጃ ባሉ ማሠልጠኛዎች ገብተው አገራቸውን እንዲወክሉ ስራዎች እንደሚከናወኑ፣
• ስለ ተተኪ አትሌቶች፣
• በ 2018 አልጀርስ ላይ ስለሚካሄደው 3ኛው የአፍሪካ ወጣቶች ጨዋታዎች፣
• በ 2018 ቦነስ አይረስ ላይ ስለሚካሄደው 3ኛው የበጋ የወጣቶች ጨዋታዎች፣
• በ 2019 ኬፕ ቭርዴ ላይ ስለሚካሄደው የአፍሪካ ቢች (Beach) ጨዋታዎች፣
• በ12ኛው የመላ አፍሪካ ጨዋታዎች፣
• በ2020 ቶክዮ ላይ ስለሚካሄደው የበጋ ኦሊምፒክ ጨዋታዎች እና፣
• የኢትዮጵያ ኦሊምፒክ ኮሚቴ ለክልሉ ስፖርት ዕድገት የሚያደርገው የቴክኒክ፣ የፋይናንስ እና የስፖርት ቁሳቁስ ድጋፍን አስመልክቶ፣
የኢትዮጵያ ኦሊምፒክ ኮሚቴ ስራ አስፈጻሚ ቦርድ በተመሳሳይ ስራ በሌሎች ክልሎች እና ከተሞች ላይ የሥራ ጉብኝቱን ያደርጋል፡፡

“የጋምቤላ ክልል በርካታ ተሰጥኦ ያላቸው አትሌቶች መፍለቂያ ናት ይሁን እንጂ አቅሙን ወደ ጥቅም ለመለወጥ በሚገባው መጠን አልተንቀሳቀስንም ፡፡” አቶ ሰናይ አኳር የጋምቤላ ህዝብ ብሔራዊ ክልላዊ መንግሰት ምክትል ርዕሠ መስተዳድር

የኢትዮጵያ ኦሊምፒክ ኮሚቴ ሥራ አስፈጻሚ ቦርድ በአራተኛ የስራ ጉብኝቱ ከጋምቤላ ህዝብ ብሔራዊ ክልላዊ መንግሰት ጋር ግንቦት 30 ቀን 2009 ዓ.ም በመገናኘት ስለ ስፖርት ልማት መከረ፡፡
የኮሚቴው ሥራ አስፈጻሚ ቦርድ በመጀመሪያ ቀን የስራ ጉብኝቱ የጋምቤላን ሁለገብ ስታዲየም በመጎብኘት ቀድሞ ሲል የስራ ጉብኝት ካደረገባቸው ክልሎች ያገኛቸውን ተሞክሮ አጋርቷል፡፡

የኢትዮጵያ ፌዴራላዊ ዲሞክራሲያዊ ሪፐብሊክ ጠቅላይ ሚኒስትር ክቡር ጠቅላይ ሚኒስትር አቶ ኃይለማርያም ደሳለኝ የኢትዮጵያ ኦሊምፒክ ኮሚቴን ሥራ አስፈጻሚ ቦርድ አባላትን ግንቦት 24 ቀን 2009 ዓ.ም በጽ/ቤታቸው ተቀብለው ባነጋገሩበት ወቅት፡፡

 


ክቡር ጠቅላይ ሚኒስትር አቶ ኃይለማርያም ደሳለኝ የኢትዮጵያ ኦሊምፒክ የቶኪዮ 2020 ኦሊምፒክ የበላይ ጠባቂ ሆነው ይሠራሉ፡፡

የኢ.ፌ.ዲ.ሪ ውጪ ጉዳይ ሚኒስቴር ሚኒስትር ዶ/ር ወርቅነህ ገበየሁ የኢትዮጵያ ኦሊምፒክ ኮሚቴ ሥራ አስፈጻሚ ቦርድ አባላት በጽ/ቤታቸው አነጋገሩ

የኢትዮጵያ ኦሊምፒክ ኮሚቴ ሥራ አስፈጻሚ ቦርድ ከኢትዮጵያ ፌዴራላዊ ዲሞክራሲያዊ ሪፐብሊክ ውጪ ጉዳይ ሚኒስቴር ሚኒስትር ከዶ/ር ወርቅነህ ገበየሁ ጋር ስፖርታችንን እና የሀገራችን መልካም ገጽታ ግንባታ እንዴት በጋራ እናሳድግ በሚል ጭብጥ ዙሪያ ግንቦት 21 ቀን 2009 ዓ.ም. በሚኒስቴር መ/ቤቱ መከሩ፡፡
የኢትዮጵያ ኦሊምፒክ ኮሚቴ ፕሬዚዳንት ዶ/ር አሸብር ወልደጊዮርጊስ በውይይቱ የኢ.ፌ.ዲ.ሪ ውጪ ጉዳይ ሚኒስቴር ለሀገራችን ስፖርት እድገት እየበረከተ ያላውን ድጋፍ አመስግነው የዚህን የጋራ ምክክር መድረክ አላማ ሲገልጹ
“በአራት ዓመት የኦሊምፒክ ስትራቴጂክ ዘመን ውስጥ ሀገራችን ለምትወዳደርባቸው አህጉር እና አለም አቀፍ ውድድሮች ዝግጅትና ተሳታፎ ብሎም ውጤታማነት ከውጪ ጉዳይ ሚኒስቴሩ ጋር ተቀናጅቶ መስረት የማይተካ ሚና ነው ያለው”

ፕሬስ ሪሊዝ

እንደደረሠ ጥቅም ላይ የሚውል

የአትሌት መሠረት ደፋር የቤጂንግ አሊምፒክ ሜዳሊያ ወደ ብር አደገ

የአለም አቀፍ ኦሊምፒክ ኮሚቴ ለኢትዮጵያ ኦሊምፒክ ኮሚቴ በጻፈው ደብዳቤ ሀገራችን ከተሳተፈችባቸው የአትሌቲክስ “ኢቨንቶች” መካከል በሴቶች የ5 ሺ ሜትር የሩጫ ውድድር አትሌት መሠረት ደፋር በወቅቱ ያገኘችው የነሐስ ሜዳሊያ ወደ ብር ሜዳሊያ ማደጉን አስታወቀ፡፡

በቤጂንጉ 29ኛው ኦሊምፒያድ የአትሌት መሠረት ደፋር ውጤት የተሻሻለው በወቅቱ ቱርኳዊቷ ሯጭ ኤልቫን አብይ ለገሰ የተከለከለ ንጥረ ነገር (ያልተፈቀደ አበረታች ንጥረ ነገር) ተጠቅማ በመገኘቷ ነው፡፡

በተሻሻለው ውጤት መሠረት በሴቶች 5 ሺህ ሜትር ሩጫ የአትሌት ጥሩነሽ ዲባባ ወርቅ እንደተጠበቀ ሆኖ፣ የመሠረት ደፋር ብር እና በወቅቱ አራተኛ ደረጃ ይዛ የነበረችው ኬንዊቷ ሲሊቪያ ኬቤት ሶስተኛ ደረጃን ተጓናጽፋ የነሀሰ ሜዳሌያውን ታገኛለች፡፡

አትሌት መሠረት ደፋር በቤጂንግ ኦሊምፒክ የገባችበት ሠዓት 15 ደቂቃ ከ 44.12 ሴኮንዶች ነበር፡፡

“የኢትዮጵያ ኦሊምፒክ ኮሚቴን ከዚህ በፊት የምናውቀው ለገንዘብ ልመና ሲጎበኘን ነው፡፡” አቶ ደሴ ዳልኬ የደቡብ ብሔር፣ ብሔረሰቦች እና ህዝቦች ክልል ርዕሠ መስተዳድር

የኢትዮጵያ ኦሊምፒክ ኮሚቴ ሥራ አስፈጻሚ ቦርድ በሶስተኛ የስራ ጉብኝቱ ከደቡብ ብሔር፣ ብሔረሰቦች እና ህዝቦች ክልላዊ መንግስት ጋር ግንቦት 18 ቀን 2009 ዓ.ም በመገናኘት ስለ ስፖርት ልማት መከረ፡፡
የኮሚቴው ሥራ አስፈጻሚ ቦርድ በመጀመሪያ ቀን የስራ ጉብኝቱ ከክልሉ ርዕሠ መስተዳድር ከአቶ ደሴ ዳልኬ እና ከክልሉ ካቤኔ አባላት ጋር በመስተዳድሩ ቢሮ ስለሀገራችን የስፖርት ልማት መክረዋል፡፡
የኮሚቴው ፕሬዚዳንት ዶ/ር አሸብር ወልደጊዮርጊስ የስራ ጉብኝቱን አላማ አስመልክተው ሲገልጹ
“ሀገራችን በምትወዳደርባቸው አህጉር እና አለም አቀፍ ውድድሮች ውጤታማነታችን እንዲረጋገጥ ስራችንን ከወዲሁ በበቂ ዝግጅት መጀመር ስላለብን የስራ ጉብኝቱ አስፈላጊ ሆኗል፡፡”



የኢትዮጵያ ኦሊምፒክ ኮሚቴ ሥራ አስፈጻሚ ቦርድ ሁለተኛውን የሥራ ጉብኘት ከአማራ ብሔራዊ ክልላዊ መንግስት ጋር አካሄደ

የኢትዮጵያ ኦሊምፒክ ኮሚቴ ሥራ አስፈጻሚ ቦርድ በሁለተኛው የስራ ጉብኝቱ በአማራ ብሔራዊ ክልላዊ መንግስት ግንቦት 10 ቀን 2009 ዓ.ም በመገኘት ከክልሉ መንግስት ጋር በስፖርት ልማት ዙሪያ መከረ፡፡

የኮሚቴው ሥራ አስፈጻሚ ቦርድ ግንቦት 9 ቀን 2009 ዓ.ም የክልሉ መዲና በሆነቸው ባህር ዳር ሲገባ በክልሉ አመራሮች ደማቅ አቀባበል ተደርጎለታል፡፡

የሥራ አስፈጻሚ ቦርዱ የባህር ዳር አለም አቀፍ ሁለገብ ስታዲየም እና በባህር ዳር ዩኒቭርስቲ የስፖርት አካዳሚን የስፖርት መሰረተ ልማቶች ጎብኝቷል፡፡

  የኮሚቴው የስራ አስፈፃሚ ቦርድ አባላት የባህር ዳር ሁለገብ ስቴድየም እና የባህርዳር  ዩኒቨርስቲ ስፖርት አካዳሚ ከጎበኙ በኋላ የኢትዮጵያ ኦሊምፒክ ኮሚቴ ፕሬዘዳንት ዶክተር አሸብር ወልደጊዮርጊስ ጉብኝቱ ክልሉ በስፖርቱ ዘርፍ ያለበትን ደረጃ ለማወቅ እንዳስቻላቸው ገልፀዋል።


በአማራ ብሔራዊ ክልላዊ መንግሰት ለስፖረት ባለሙያዎች እና አመራሮች ሲሰጥ የነበረው የስፖርት አስተዳደር ኮርስ ተጠናቀቀ
በኢትዮጵያ ኦሊምፒክ ኮሚቴ እና በኦሊምፒክ ሶሊዳሪቲ ትብብር ከግንቦት 5-9 ቀን 2009 ዓ.ም ድረስ ለአማራ ክልል የስፖርት አመራሮችና ሰልጣኞች ሲሰጥ የነበረው የስፖርት አስተዳደር ስልጠና በስኬት ተጠናቀቀ፡፡


በስልጠናው ላይ 25 ወንዶች እና 10 ሴት ሠልጣኞች በድምሩ 35 ሠልጣኞች ተሳታፊዎች ነበሩ፡፡
ግንቦት 9 ቀን 2009 ዓ.ም በተካሄደው የስልጠናው የመዝጊያ ስነ-ሥርዓት ላይ የኢትዮጵያ ኦሊምፒክ ኮሚቴ ፕሬዚዳንት ዶ/ር አሸብር ወልደጊዮርጊስ ባስተላለፉት መልዕክት
“የወሰዳችሁት የስፖርት አስተዳደር ስልጠና በራሱ የመጨረሻ ግብ አይደለም፡፡”
“ያገኛችሁትን እውቀት፣ ልምድ እና ክህሎት በየደረጃው ለሚመለከታቸው የስፖርቱ ተዋንያን ማካፈል እና ማባዛት ትልቁ የቤት ስራችሁ ነው፡፡” ብለዋል፡፡
ሠልጣኞቹ ሥልጠናቸውን በስኬት በማጠናቀቃቸው ሠርተፍኬት ተሠጥቷቸዋል፡፡
በስልጠናው የመዝጊያ ስነ-ስርዓት ላይ የአማራ ብሔራዊ ክልላዊ መንግስት የወጣቶች ስፖርት ጉዳይ ቢሮ ኃላፊ ወ/ሮ ወለላ መብራት  እና የኢትዮጵያ ኦሊምፒክ ኮሚቴ ሥራ አስፈጻሚ ቦርድ አባላት ታዳሚዎች ነበሩ፡፡


የሪዮ 5000ሜ የሴቶችን ዘርፍን ማን ያሸንፋል?

View Result